Fyrstu mínúturnar skipta máli

Þetta námskeið snýst um eitt: hvað þú gerir fyrstu mínúturnar þegar eitthvað fer úrskeiðis — áður en sjúkraflutningur berst.

Á fjórum klukkustundum færðu verklega þjálfun í endurlífgun, notkun hjartastuðtækis (AED), blóðstöðvun og sáraumbúðum, ásamt því að læra að bregðast við þeim slysum sem helst verða í iðnaðar- og byggingarumhverfi — rafmagnsslysum, aflimunum, beinbrotum, brunasárum og bráðaveikindum.

Áherslan er á verklega æfingu, því viðbragð er færni sem lærist ekki úr glærum einum saman. Þú ferð heim með sjálfstraust til að taka stjórn þegar mest á reynir.

Við kynnum nýja nálgun í öryggisfræðslu sem hentar öllum sem koma að skipulagi og stjórnun vinnustaða. Nálgunin styrkir teymi í að skapa vinnuumhverfi þar sem traust, gagnsæ samskipti og stöðugur lærdómur eru í forgrunni. Hún stuðlar að breyttum viðhorfum og dýpri skilningi á hvernig atvik, frávik og hættur verða til. Hvernig hægt er að bregðast við þeim á markvissari og áhrifaríkari hátt.

• Fyrir stjórnendur, verkstjóra, verkefnastjóra og aðra lykilaðila í bygginga- og mannvirkjageiranum
• Hagnýtar og raunhæfar aðferðir sem má innleiða strax í daglegu starfi
• Hálfs dags námskeið.

Öryggi í verki snýst ekki um reglur á blaði heldur um handtökin sjálf og hugsunina á bak við þau. Markmiðið er að öryggi verði hluti af daglegum vinnubrögðum — eitthvað sem situr í fingrunum og hugsuninni frekar en að vera sérstakt átak sem gripið er til við og við.