Öryggisstefna Öryggisskóla iðnaðarins

1. Inngangur

Öryggisskólinn leggur ríka áherslu á öryggi, forvarnir og ábyrg vinnubrögð í allri starfsemi sinni. Markmið öryggisstefnunnar er að tryggja öruggt náms- og starfsumhverfi fyrir nemendur, starfsfólk, verktaka og gesti, og að stuðla að öflugri öryggismenningu þar sem áhættur eru greindar, metnar og stjórnað með markvissum hætti.

Öryggi er órjúfanlegur hluti af allri fræðslu og starfsemi Öryggisskólans.

2. Markmið öryggisstarfs

Öryggisstefna Öryggisskólans miðar að því að:

• fyrirbyggja slys, óhöpp og heilsutjón,
• tryggja að lögum og reglum um vinnuvernd og öryggi sé fylgt,
• efla öryggisvitund og ábyrgð einstaklinga,
• tryggja að verklegar æfingar fari fram með öryggi í fyrirrúmi,
• stuðla að stöðugum umbótum í öryggismálum.

3. Gildissvið

Öryggisstefnan gildir um alla starfsemi Öryggisskólans, þar með talið:

• bóklega og verklega kennslu,
• æfingar, námskeið og sýnikennslu,
• notkun tækja, véla og búnaðar,
• útisvæði, æfingasvæði og hættusvæði,
• viðburði, heimsóknir og samstarfsverkefni.

Stefnan nær til allra sem koma að starfsemi skólans, þar á meðal nemenda, starfsmanna, leiðbeinenda, verktaka og gesta.

4. Ábyrgð og hlutverk

Stjórn og stjórnendur

Stjórn og stjórnendur Öryggisskólans bera ábyrgð á því að:

• öryggisstefnan sé innleidd og fylgt eftir,
• áhættumat sé framkvæmt og uppfært,
• nægileg fræðsla, þjálfun og eftirlit sé til staðar,
• viðeigandi búnaður og persónuhlífar séu tiltækar.

Starfsmenn og kennarar

Starfsmenn og kennarar bera ábyrgð á því að:

• fylgja öryggisreglum og verklagi,
• hafa virkt eftirlit með verklegum æfingum,
• stöðva æfingar ef hætta skapast,
• tilkynna slys, óhöpp og nær-atvik.

Nemendur og þátttakendur

Nemendur og þátttakendur bera ábyrgð á því að:

• fylgja leiðbeiningum kennara,
• nota tilskildar persónuhlífar,
• sýna ábyrgð og öryggisvitund,
• tilkynna tafarlaust um hættur eða atvik.

5. Áhættumat og forvarnir

Öryggisskólinn framkvæmir markvisst áhættumat fyrir:

• verklegar æfingar,
• notkun tækja og búnaðar,
• ný verkefni, aðstöðu eða breytingar.

Gripið er til viðeigandi forvarna til að draga úr líkum á slysum og heilsutjóni. Áhættumat er endurskoðað reglulega og þegar breytingar verða á starfsemi.

6. Öryggi í kennslu og aðstöðu

Öryggisskólinn tryggir að:

• aðstaða, tæki og búnaður uppfylli gildandi kröfur,
• reglubundið eftirlit og viðhald fari fram,
• notkun persónuhlífa sé skilyrði þar sem við á,
• skýrar leiðbeiningar og verklag séu fyrir hendi.

7. Viðbrögð við slysum og atvikum

Öryggisskólinn hefur skilgreint verklag vegna slysa, óhappa og neyðartilvika. Lögð er áhersla á:

• skjót og viðeigandi viðbrögð,
• skráningu og greiningu atvika,
• lærdóm af slysum og nær-atvikum.

8. Fræðsla og þjálfun

Öryggisskólinn leggur áherslu á reglubundna fræðslu í öryggismálum fyrir:

• nemendur,
• starfsmenn,
• leiðbeinendur og verktaka eftir því sem við á.

9. Endurskoðun

Öryggisstefnan er endurskoðuð reglulega og uppfærð eftir þörfum. Gildandi útgáfa er ávallt aðgengileg á heimasíðu Öryggisskólans.

Öryggi í verklegum æfingum

Verklegar æfingar hjá Öryggisskólanum fara fram við stýrðar og öruggar aðstæður, undir leiðsögn hæfra kennara og í samræmi við skilgreint áhættumat.

Raunhæfni æfinga má aldrei ganga framar öryggi þátttakenda.

Meginreglur:

• Enginn tekur þátt í verklegum æfingum nema hafa fengið viðeigandi fræðslu.
• Notkun skilgreindra persónuhlífa er skilyrði.
• Aðgangur að æfingasvæðum er takmarkaður.
• Kennarar hafa stöðugt eftirlit og heimild til að stöðva æfingar.
• Öll slys og nær-atvik eru skráð og greind.