Aukið öryggi í bygginga- og mannvirkjagreinum

Um námskeiðið:

Námskeiðið fjallar um hvernig hægt er að efla öryggismenningu í bygginga- og mannvirkjageiranum með nýrri, nútímalegri nálgun sem leggur áherslu á að vinna með aðferðir, aðstæður og vinnuumhverfi.

Þátttakendur læra hvernig traust, opnar umræður og markviss lærdómur geta stutt við breytingar á viðhorfum og skapað öruggara og stöðugra vinnuumhverfi.

Markmið:

Markmiðið er að byggja ofan á þann öryggisþekkingargrunn sem þátttakendur þegar hafa og bjóða upp á nýja nálgun sem hjálpar til við að endurhugsa hefðbundna sýn og nálgast öryggismál á dýpri og markvissari hátt.

Skilja helstu meginreglur nýrrar öryggisnálgunar og hvernig hún breytir hefðbundnum áherslum
Læra að greina hættur, veikleika og gildrur í verkferlum og skipulagi
Þróa færni í að spyrja opnar, gagnlegar spurningar og byggja upp traust á verkstöðum
Fá skýra innsýn í hvernig stjórnendur geta leitt öryggisstarf með áherslu á lærdóm, samvinnu og umbætur

Fyrir hverja:

Námskeiðið er fyrir alla sem vilja styrkja öryggismenningu, bæta ákvarðanatöku og auka faglegan árangur í bygginga- og mannvirkjageiranum.

Stjórnendur, verkstjórar og verkefnastjórar sem vilja leiða breytingar á vinnustað
Gæðastjórar og öryggisstjórar sem vilja efla kerfisbundið öryggis- og gæðastarf
Fyrirtækjaeigendur og lykilákvarðendur sem vilja fjárfesta í öruggari og skilvirkari starfsemi
Verkkaupa í opinberum og einkareknum framkvæmdum sem vilja tryggja gæði og öryggi frá fyrstu ákvörðun
Opinbera starfsmenn sem starfa við útboð, útboðsgerð og verkkaupaferli og vilja byggja inn sterkari öryggissjónarmið
Alla sem hafa áhrif á öryggi, skipulag eða framkvæmd verkefna

Skipulag:

Námið er staðarnám og kennt frá 09:00 – 12:30. Kennt verður á föstudögum.

Ávinningur:

Námskeiðið veitir þátttakendum skýra og hagnýta innsýn í hvernig hægt er að byggja upp öruggara, skilvirkara og faglegra vinnuumhverfi með nútímalegri nálgun á öryggisstarf. Þú færð meðal annars:

Nýja sýn á öryggi – frá einstaklingsáherslu yfir í greiningu á kerfum, aðstæðum og vinnuflæði
Betri ákvarðanatöku með dýpri skilningi á því hvað raunverulega skapar áhættu
Öflugri samskiptafærni sem stuðlar að trausti, gagnsæi og opnum umræðum
Verkfæri til að læra af atvikum og breyta frávikum í umbótatækifæri
Sterkari öryggismenningu sem byggir á fagmennsku og stöðugri þróun
Hagnýtar, innleiðanlegar aðferðir sem nýtast strax í daglegum aðstæðum